BankRespublika

Bank Respublika yenidən “Zolotaya korona” sisteminə qoşulub.

Bank Respublika “Zolotaya korona” sistemi üzrə təcili pul köçürmələrini bərpa etdi.

MDB və digər xarici ölkələri əhatə edən sistem vasitəsilə pulköçürmə xidmətləri hal-hazırda bankın bütün filiallarında göstərilir.

Bank Respublika müştəriləri üçün bu sistem vasitəsilə MDB və digər xarici ölkələrə 1%-dən başlayan (göndərilən məbləğ və istiqamətdən asılı olaraq) tariflərlə sərfəli şərtlərlə 10 dəqiqə ərzində pul köçürmək imkanı yaradılıb.

Müştərilər vəsaitləri üç valyutada - ABŞ dolları, Avro və Rusiya rublunda ani məqamda göndərə və ala bilərlər. Onu da qeyd edək ki, bankın filiallarında köçürmə əməliyyatları etdikdə valyuta mübadiləsi üçün çox sərfəli məzənnələr təklif olunur.

 “Zolotaya Korona” sistemi ilə pul köçürmək üçün şəxsiyyəti təsdiq edən sənədi təqdim etmək, bank tərəfindən təqdim olunan müvafiq blankı doldurmaq tələb olunur. Daha sonra müştəriyə 9 rəqəmli kod verilir, pulu alan şəxs həmin kodu təqdim edən kimi köçürməni ala bilər.

Baş ofis

Ünvan: Bakı ş., Xaqani küç. 21
Telefon: (+994 12) 144, (+994 12) 598 08 00
Faks: (+994 12) 598 08 80
E-mail: Info@bankrespublika.az
İş vaxtı: Bazar ertəsi – Cümə: 9:00 - 17:30