BankRespublika

2019-cu ildə Bank Respublika biznesin bütün seqmentləri üzrə dinamik inkişaf göstərib!

Azərbaycanın aparıcı maliyyə qurumlarından biri olan Bank Respublika 2019-cu ilin yekunlarına dair maliyyə göstəricilərini açıqlayıb. Hesabata əsasən, Bank bazarda öz mövqeyini möhkəmləndirərək bütün əsas maliyyə göstəriciləri üzrə ciddi artım nümayiş etdirib.

Belə ki, hesabata əsasən, 2018-ci ilə nisbətən bankın xalis mənfəəti 10 dəfə artaraq 20,4 milyon manat,  xalis əməliyyat mənfəəti 4 dəfə artaraq 40,7 milyon manat, xalis faiz gəlirləri isə 68% artaraq 41,3 milyon manat təşkil etmişdir.

1 yanvar 2020-ci il tarixinə bankın aktivləri 1,4 milyard manatdan çox olmuşdur ki, bu da ötən ilin eyni dövrü ilə müqayisədə 44% çoxdur. Bundan əlavə, bankın məcmu kapitalı 49%, depozit portfeli 54%, kredit portfeli isə 41% artmışdır.

2019-cu ildə bank bütün sahələr üzrə ciddi artım nümayiş etdirərək dinamik inkişaf etməyə davam edib və iqtisadiyyatın real sektoruna xidmət istiqamətində seçilən biznes modelin dayanıqlığını bir daha təsdiqləyib. Bank məhsul və xidmətlərin davamlı olaraq təkmilləşdirilməsi, müştəri xidmətinin keyfiyyətinin yüksəldilməsi, yeni rəqəmsal həllərin yaradılması və inkişafı sayəsində yüksək nəticələr əldə edə bilmişdir. Hesabat ili ərzində biz bankın müştəri bazasını əhəmiyyətli dərəcədə genişləndirməklə yanaşı, xüsusən mikro, kiçik və orta sahibkarlıq seqmentləri olmaqla ümumi kredit portfelini də artırdıq.

Yüksək maliyyə nəticələri beynəlxalq maliyyə qurumları tərəfindən də qeyd edilmişdir. Uzun fasilədən sonra 3 böyük maliyyə təşkilatı (FMO, IFC və EBRD) Bank Respublika ilə kredit müqavilələri bağlayaraq Azərbaycan bazarına qayıtmışdır. Eyni zamanda, Moodys beynəlxalq reytinq agentliyi “Bank Respublika”nın reytinqini "Pozitiv" proqnozu ilə "B3" dərəcəsinə qaldırmışdır. 

İstərdim bütün bizim komandamıza, müştərilərimizə və tərəfdaşlarımıza bu nəticəni əldə etməkdə göstərdikləri əməkdaşlığa və verdikləri töhfəyə görə təşəkkür edəm! Biz öz işimizlə, yüksək keyfiyyətli xidmətimizlə və maraqlı təkliflərimizlə göstərilən etimadı doğruldaraq gələcəkdə də dinamik inkişafımızı davam etdirəcəyik “, deyə “Bank Respublika”nın Müşahidə Şurasının sədri Şakir Rəhimov qeyd edib.

Baş ofis

Ünvan: Bakı ş., Xaqani küç. 21
Telefon: (+994 12) 144, (+994 12) 598 08 00
Faks: (+994 12) 598 08 80
E-mail: Info@bankrespublika.az
İş vaxtı: Bazar ertəsi – Cümə: 9:00 - 17:30