BankRespublika

NFC ödəniş

NFC (təmassız) bir toxunuşla ödənişlər indi Mobil Şöbədə

Bank Respublika Mobil Şöbə tətbiqetməsi üzərindən NFC ödənişlərini yerinə yetirmək imkanı verir. NFC (Near field communication) kartın fiziki iştirakı olmadan birbaşa smartfon vasitəsilə POS ödənişlərini həyata keçirməyə imkan verən innovativ təmassız ödəniş texnologiyasıdır. Belə ki, əməliyyat zamanı kart rəqəmsallaşdırılmış nömrəsi (virtual token) istifadə olunur ki, bu da şəxsi məlumatlarınızı təhlükəsizliyini qorumağa zəmanət verir. Təmassız ödənişi yerinə yetirmək üçün smartfonu əks tərəfi ilə POS terminalına yaxınlaşdırmaq kifayət edir.

Smartfondakı NFC ödənişlərini necə aktivləşdirmək olar?

1. Bank Respublikanın istənilən VİSA kartı əldə edin

2. Mobil Şöbə tətbiqini smartfonunuza yükləyib aktivləşdirin

3. Tətbiq üzərindən seçilmiş kart üçün NFC-ni bir toxunuşla aktivləşdirin. 

4. Kart tokenlə təchiz olunub və NFC ödənişləri istifadəyə hazırdır

Kartlar menyusunda rəqəmsallaşdırılmış kartın (tokenin) göstərilməsi Xüsusi NFC pay menyusunda rəqəmsallaşdırılmış kartın (tokenin) göstərilməsi

 

NFC ödənişini necə yerinə yetirmək olar?

1. Əl ilə - “Manual mode" - ödənişi

"Əl ilə ödəniş" rejimi hər bir NFC ödənişi üçün individual qaydada kart seçmək imkanı verir. Bunu etmək üçün tranzaksiyadan öncə Mobil Şöbə tətbiqetməsinə daxil olub ödənişin ediləcəyi kartı (tokeni) seçmək tələb olunur. Daha sonra, smartfonu POS terminala yaxınlaşdıraraq, ekrandakı son nəticə ilə tanış olduqdan sonar, ödəmənişi tamamlayın (videotəlimata baxın).

 

"Əl ilə ödəniş" rejimi - " Manual mode " - ödənişi

 

2. Avtomatik - " Always-On mode" ödəniş

"Avtomatik ödəniş" rejimi Mobil Şöbə tətbiqetməsinə daxil olmadan, əvvəlcədən məbləğin silinməsi üçün default olaraq kartı təyin edib, ödəniş etmək imkanı verir. Bu rejimdə ödəniş etmək üçün telefonun kilidini açdıqdan sonra (kilid etibarlı olmalıdır - PIN / şəkil / barmaq izi) ödəniş üçün POS terminal yaxınlaşdırmaq kifayətdir. Avtomatik ödənişi aktivləşdirmək üçün bu rejimi NFC ödənişlərinin ayarlarında aktivləşdirmək kifayət edir.

"Avtomatik ödəniş" rejimini aktivləşdirmək üsulları

 

Yuxarıda qeyd olunan rejimlərin hər ikisində İnternet bağlantısı olmadan da ödəniş etmək olar – hər zaman!

Tokenləşdirilmiş kartlara daha tez yetişmək üçün, mobil tətbiqə daxil olmadan, telefonun kilidini açdıqdan sonar, birbaşa login səhifəsində NFC düyməsini vurub, ödəmək istədiyiniz kartı seçmək kifayətdir. Tez, asan, rahat və təhlükəsiz!

NFC texnologiyası haqqında daha hansı məlumatları bilmək vacibdir?

1. NFC ödənişlərini hazırda yalnız Android platformasında yerinə yetirmək mümkündür

2. Hazırda bankda NFC ödənişlərini yalnız VISA kartları ilə yerinə yetirmək olar

3. Mobil Şöbə tətbiqetməsində NFC funksiyasını aktivləşdirmədən öncə, smartfonunuzda NFC çipinin olduğundan əmin olun

4. Ödənişləri yerinə yetirmək məqsədilə telefon üçün təhlükəsiz kilid seçin - PIN / şəkil / barmaq izi

5. İstənilən NFC ödənişindən öncə mobil cihazınızı kiliddən çıxarın